Ciidanka Kumaandooska xoogga dalka ee Gor-gor oo howlgal kawada degaano hoosyimaado Afgooye iyo Balcad ee gobollada Shabeellaha hoose iyo Shabeellaha dhexe ayaa waxeey fashiliyeen gaari xaamul ah oo noocisu ahaa Dayno isla markaasna maleeshiyaadka Al-shabaab ay kasoo buuxiyeen waxyaabaha qarxa oo ay doonayeen inay ku dhibaateeyaan shacabka Soomaaliyeed.
Gaariga ayay ciidanka ku gubeen degaannada Walamooy iyo Daniga beeraha meel udhexeeysa wabigana ujirta 3-km sida uu kusoo waramayo Wariyaha Idaacadda Ciidamadda Qalabka Sida Maxamed Cali Sabriye oo howlgalka qeyb ka ah.
Sidoo kale ciidanka Kumaandooska xoogga dalka ayaa howlgalka ku dilay horjoogihii maleeshiyaadka Al-shabaab u qaabilsanaa degaanka Basro, kaasi oo lagu magacaabo Ismaaciil Siidoow iyo 3 maleeshiyaad ah oo kale.
Howlgalka waxaa qeyb ka ah guutooyinka saddexaad iyo todobaad ee xoogga dalka soomaaliyeed kuwaasi oo ka kala howlgala shabeellooyinka.
