Ciidanka kumaandooska Gorgor ee Xoogga dalka Soomaaliyeed ayaa howlgallo baaxad leh laguna baacsanayay khawaarinta ka fuliyay deegaanno hoos taga degmada Awdheegle ee gobolka Shabeellada hoose.
Afhayeenka Wasaaradda Gaashaandhigga Xukuumaadda Federaalka Soomaaliya Sheekh Abuukar Macallin oo ku sugan goobaha ay howlgalladu ka socdaan, ayaa sheegay in ay Ciidanku cagta mariyeen fariismo ay khawaarijtu ku lahaayeen deegaanka Shaam Garre ee duleedka tuulada Bariirre iyo degaanno kale.
Sheekh Abuukar Macallin Afhayeenka Wasaaradda Difaaca Soomaaliya, ayaa shacabka halkaasi ku dhaqan ugu baaqay in Ciidanka ay ku garab istaagaan dagaalka ka dhanka ah khawaarijta, iskana dulqaadaan heeryada Argagixisada u diiddan nolosha iyo horumarka.
