Ciidanka Xoogga dalka Soomaaliyeed ayaa hawlgallo ka wada deegaanno ka tirsan Gobolka Jubbada Hoose, kaas oo lagula dagaalamayo maleeshiyada xagjirka ah ee Al-Shabaab.
Deegaanada Koban, Bangeeni iyo Tuulooyin kale oo hoos taga degmada Jamaame ee Gobolka Jubbada Hoose ayaa saaka ciidanka xoogga dalka oo ay wehliyaan Daraawiishta Jubbaland waxa ay ka bilaabeen hawlgalka, iyagooc ku wajahan deegaano kale oo maleeshiyadu ku suganyahay.
Saraakiil sare oo ka tirsan Xoogga dalka ayaa qayb ka ah hawlgalkaas, waxaana inta uu socday lagu dilay maleeshiyaad ka tirsan Al-Shabaab sida ay Warbaahinta Qaranka u sheegeen ilo dhinaca Milatariga ah.
Ciidanka ayaa waxaa ay isu fureen isu socodka gaadiidka qudaarta ee ka yimaada deeganada gosha ee soo gala Kismaayo, iyagoo fursad u siiyay in aan wax lacag ah laga qaadin maadama la bur-buriyay baro jidgooyo oo ay Al-Shabaab lacago baad ah ku qaadi jirtay.
