Ciidanka Xoogga dalka ayaa howlgal Khasaaro xooggan lagu gaarsiiyey maleeshiyada Alshabaab waxay ka sameeyeen deegaano ka tirsan Gobolka Jubbada hoose.
Howlgalka ayey Ciidamada ka fuliyeen Buundada Araare oo 65 KM dhanka waqooyi kaga began magaalada Kismaayo kaabigana ku haysa degmada Jamaame ee gobolka Jubbada Hoose.
Ciidamada ayaa intii howlgalku socday waxay dileen 10 kamid ah malayshiyaadka Al-shabaab, kuwaasi oo ay ka carareen meydkooda sida Telefashinka Jubbaland uu u sheegay wasiir ku-xiggeenka wasaaradda amniga Jubbaland Mudane Isaaq Maxamed Xassan.
Ciidamada ayaa howlgalka ku bur buriyey fariisimo ay kooxda Al-shabaab ku lahayd buundada Araare iyo deegaanada u dhow.
Howlgalkan oo weli ka socda duleedka degmada Jamaame ee jabka xoogan loogu gaarsiiyey Argagixisada Alshabaab ayaa waxaa ka qeyb-qaatay sidoo kale Ciidamada AMISOM iyo Kuwa Jubbaland.
