Ciidamada xoogga dalka Soomaaliya ayaa weerar ku qaaday fariisin ay maleeshiyada Al-Shabaab ku leeyihiin inta u dhexeysa degmooyinka Buula burde iyo Jalalaqsi ee gobolka Hiiraan.
Gaashaanle dhexe Maxamuud Xassan Ibraahim taliyaha guutada 22’aad ee qaybta 27’aad oo warbaahinta qaranka la hadlay ayaa waxaa uu sheegay in weerarka ay ku dileen xubno ka tirsan maleeyshiyada Al-Shabaab, islamarkaana ay bartilmaameedsadeen saldhigyadooda.
Taliyaha ayaa sheegay in 7 xubnood ay weerarka ku dileen, islamarkaana ay ka qabsadeen gaadiid iyo hub ay ka carareen maleeshiyada argagixsada ah Al-shabaab.
