Caqabadaha Heysta Ganacsatada iyo maareynta Saameynta ka dhalan karta lacagta cusub ee Dowladda Soomaaliya qorsheynyso inay soo daabacdo ayaa kamid ahaa waxyaabaha ku xusnaa Cimi baaris ku saabsaneed Ganacsiga iyo Dhaqaalaha oo Jaamacadda Soomaaliya ay maanta kusoo bandhigtay Magaalada Mqudisho waxaana masdasha Cilmi baarista lagusoo bandhigayay goob jog ka ahaa Wasiiro iyo Xidlhibanao katirsan Dowladda Federaalka ah Aqoonyahano iyo maamulka Jaamacadda.
Axmed Khadar Cabdi Jaamac oo ah Gudoomiye ku xigeenka Jaamacadda Soomaaliya ee dhinaca Cilmi baarista iyo Hormarinta ayaa sheegay in Cilmibaaristan ay la wadagaayaan Ganacsatada,iyo Hay’adaha kale ee ay quseyso si ay uga faa’iideystaan
Wasiir ku xigeenka Maaliyadda C/llaahi Sheikh Cali Qaloocow ayaa bogaadiyay dadaalka ay muujisay Jaamacadda Soomaaliya ee ku aadan soo saarista cilmi baaristan oo uu sheegay inay muhiim tahay in lagu dhiirigaliyo ardayada iyo Jaamacadaha oo dhan iyo inay Cilmi baaris sameeyaan marwaliba.
Wasiirka Macdanta iyo Batroolka Soomaaliya mudane C/rashiid Maxamed Axmed waxa uu yiri “ daraasadaha nuucaan waxa ay bulshada iyo Dowladaba ku hogaamin karaan isbedel sidaa darted waa inaad Dowladda gaarsiisaan gaar ahaana hay’adaha ay gaarka u quseyso si dowladdu talo iyo aragti uga qaadato Cilm baarista”
Mudane Daahir Cabdi Cabdulaalhi (Dr Go) Wasriiu Dowlaha Gancsiga iyo Warshadaha Dowlada Federaalka ah ahna kusimaha Wasiirka ayaa ugu baaqay Ganacsatada inay marwalba isha ku hayaan daraasadaha iyaga quseeya si ay xal ugu nqoto caqabadaha iyo dhibaatooyinka heysta.
Cilmi baaristan oo inteeda badan quseysay dhinaca dhaqaalaha iyo Ganacsiga ayaa kusoo beegantay iyadoo Soomaaliya ay hormar ka sameeysay bilihii lasoo dhaafay hanaanka maaliyadda iyo dhaqaalaha taasi oo ay bogaadiyeen Bangiga Aduunka iyo Hay’adda lacagta Aduunka.
