Wasaaradda Arrimaha Gudaha iyo Federaalka Soomaaliya ayaa sheegtay in hindise Sharciyeedka Axsaabta Siyaadada ay dhawan ansixiyeen Golaha Wasiiradda lana horgeynayo Barlamaanka ka qeyb qaadanayo ka taxadarka Fowdada.
Wasiiru-dowlaha Wasaaradda Arrimaha gudaha iyo Federaalka ee xukuumadda Soomaaliya Mudane Cabdirashiid Maxamed Xidig ayaa sheeegay in Wasaaraddu ay Baarlamaanka horgeyn doonto sharciga xisbiyada Siyaasadeed
“Sharci ayaa jiro oo ay Wasaaraddu diyaarisay, kaasi oo dhawan ay meel mariyeen golaha Wasiirada, waxana u gudbin doonaa golaha baarlamaanka, iyadoo marka uu meel mariyo ay noqon doonto, isla markaana ciddii soo buuxisa sharuudaha sharciga loo aqoonsan doono xisbi siyaasadeed” ayuu yiri Cabdirashiid Xidig.
Wasiiru dowlaha arrimaha gudaha ayaa sheegay in qodob ka mid ah qodobada ku qoran sharciga uu qeexayo cidda noqon karto xisbi siyaasadeed.
