Xukuumadda, Maamulka Gobalka Banaadir, Taliska Booliska, Culimada iyo Dhaqaatiirta ayaa si toos ah bulshada ugala hadlay xaaladda COVID-19 ee dalka.
Wasiirka Caafimaadka iyo daryeelka Bulshada xukuumadda federaalka Soomaaliya, Fowsiya Abiikar Nuur, ayaa caawa ka hadashay xaaladihii ugu dambeeyay COVID-19, dadaallada socda ee lagu xakameynayo, horumarradda la gaaray iyo qorshaha la doonayo in lagu joojiyo faafintaanka cudurka.
Related posts
Sheekh Bashiir Axmed Salaad oo xubin ka ah Guddiga Qaran ee ka hortagga COVID-19, oo caawa ka hadlay muhiimmadda uu Islaamku siiyay raacista awaamirta dowladda, ayaa shacabka Soomaaliyeed ugu baaqay inay u hoggaansamaan awaamiirta lagu xakameynayo faafitaanka cudurkaan halista badan, si bulshada ay u hesho daryeelka ay u baahantahay.
Dr. Maxamed Cabdi Yuusuf oo xubin ka ah Guddiga Qaran ee ka Hortagga Covid-19 ayaa dhammaan bulshada ugu baaqay inay ku dhaqmaan talooyinka caafimaad ee lagu xakameynayo faafitaanka COVID-19, si guul looga gaaro qorshaha bed-qabka iyo daryeelka Ummadda.
Guddoomiye ku-xigeenka gobalka Banaadir ee amniga iyo siyaasadda, Maxamed Cabullaahi Tuulax, ayaa shacabka Muqdisho uga mahadceliyay sida ay ugu hoggaansameen dhaqan gelinta bandawga xilliyada habeenkii lagu soo rogay Muqdisho,waxuuna ugu baaqay inay sii wadaan la shaqeynta maamulka iyo laamaha amniga, si loogu guuleyso xakameynta COVID-19.
Taliyaha ciidanka Booliiska Soomaaliyeed, Jeneraal Cabdi Xasan Maxamed (Xajaar), oo ka war bixiyay sida uu bandawgii uga dhaqan galay magaalada Muqdisho, ayaa u mahadceliyay shacabka Soomaaliyeed ee gartay inay sida ugu habboon dowladda ugala shaqeeyaan dhaqan gelinta bandawga, waxuuna laamaha amniga mar kale faray inay shaqadooda sida ug wagaansan u gutaan.
Halkan ka daawo muuqaalka looga hadlayo xaaladdihii ugu dambeeyay ee Coronavirus
https://www.facebook.com/sntvnews/videos/3220530817989772/?epa=SEARCH_BOX
