Sida caadadu tahay, waxaa saaka lagu tukaday ciidii carafo masaajidka ku yaal bariga magaalada Minneapolis, ee gobolka Minnesota., halkaasoo ay isugu yimaadeen Ummado ka kala yimid calamka Islaamka – ha u badnaadeen Qaaradaha Afrika iyo Aasiya.
Sidoo kale, waxaa masaajidkaan ku tukada dad u dhashey wadanka Maraykanka, kuwaasoo islaamka qaatey kaddib markii ay gobolkaan kusoo bateen Muslimiinta, oo ay hor mood u ahaayeen Qurbojoogta Soomaalida ee soo degay gobolkaan sanadihii 1994tii wixii ka danbeeyey, iyaga oo aad iyo aad uga muuqda ummaddaha kale ee degan gobolkaan.
Maalinta Isniinta ah, dadka inta badan waxay fasax ka qaateen shaqadoodi si ay ula ciidan carruurtooda, Iskuulada gobolka Minneasota inkastoo ay furan yihiin, waxaa nadhaamka iskuulada u degsan in ardayda Muslimiinta ahi ay fasax yihiin, iskuulkana ay ku soo laaban karaan labo maalin kadib.
Inta badan, waalidka ayaa maalinta ciida carafo kali ka reeba carruurta iskuulada si ay u ciidaan.
Mohamed Barre – [email protected] – qoraa madax banaan waxna ka qora arimaha Soomaalida.
