Xaalada deegaannadii ay la wareegeen Ciidammada Xoogga Dalka Soomaaliyeed ee gobolka Shabeelada Hoose ayaa maanta degan iyadoo howlgallada lagu baacsanayo Maleeshiyada Argigixisada Al-Shabaab ay halkoodii kasii socdaan.
Ciidanka Xoogga Dalka gaar ahaan Danab ayaa Raashin qeybin ka wada Deegaanada Sabiib iyo Caanoole oo ka tirsan Gobalka Shabeelaha hoose oo lagala wareegay Argagaxisada.
Taliyaha Ururka 4-aad ee Danab Gaashaanle Cabdi raxmaan Sheekh Cumar (Jeeniqaar) ayaa sheegay in Howlgalo ay ka sameeyeen Deegaanada ay kala wareegeen Argagaxisada ay kusoo arkeen Hormar la’aan dhinaca Waxbarashada, Biyaha iyo Nolosha qeybaheeda kala duwan, taas oo ku qasabtay ciidanka inay Gurmadka iyo weerarada ay ku baacsanayaan Argagaxisada isku dhinac wadaan.
Taliyaha Ciidammada Dhulka General Odawaa Yuusuf Raage oo la hadlay Warbaahinta Qaranka ayaa sheegay in Howlgalada ay sii soconayaan, isla markaana Cadowga loogu tagayo deegaaanda ay ku dhuumaaleysanayaan, wuxuuna Shacabka kaga mahad celiyay sida ay ciidanka ula shaqeynayaa, iyagoo u tilmaamaya meelaha ay u ordayaan Maleeshiyada Al shabaab.
