Madaxweynaha Dowlad goboleedka Galmudug Mudane Axmed Ducaale Geelle Xaaf iyo wafdi uu hogaaminayo ayaa si diiran loogu soo dhaweeyay magaalada Gaalkacyo ee xarunta Gobolka Mudug, halkaasi oo uu kulamo kula qaatay qeybaha bulshada ee magaalada iyo maamulka Gobolka.Wafdiga ayaa markii ay gaareen magaalada Gaalkacyo waxa ay socod ku mareen goobo badan oo lagu soo dhaweeyay, iyagoo markii dambe u gudbay xarunta maamulka Gobolka ee Galmudug, halkaasi oo ay kulan looga hadlayay xaaladda magaalada ay kula qaateen maamulka Gobolka.
Mudane Axmed Ducaale Geelle Xaaf ayaa kula dar daarmay shacabka Gobolka Mudug inay ka shaqeeyaan Nabadda.
Waa socdaalkii labaad ee uu Madaxweynaha Galmudug uu ku tego qaar ka mid ah degmooyinka dowlad goboleedka Galmudug, iyadoo safarkiisa ugu horeeyay ku tegay magaalada Caabudwaaq ee gobolka Galgaduud tan iyo markii dhawaan xilka looga caleemo saaray.
SAWIR QAADE: DAAHIR FAARAX
