Munaasabad si heer sare ah loosoo agaasimay oo loogu dabaal degayo munaasabadda maalinta dhalinyarada aduunka ayaa ka socota caawa magaalada Muqdisho ayadoo munaasabadda ay ka qeybgalayaan madaxda dalka qaarkood iyo dhalinyaro.
Munaasabadda oo ay soo qabanqaabisay Wasaaradda Dhalinyarada iyo Cayaaraha Xukuumadda Federaalka Soomaaliya ayaa waxaa goobjoog ah Ra’isulwasaaraha Xukuumadda Federaalka Soomaaliya Mudane Xasan Cali Kheyre,Wasiirrada Dhalinyarada,Warfaafinta, Guddoomiyaha Gobolka Banaadir ahna Duqa magaalada Muqdisho, xildhibaanno ka kala socda labada Gole iyo marti sharaf kala gedisan.
Munaasabadda oo hada ku bilaabatay suugaan ay gudbinayaan fanaaniinta kooxda Danan ee Wasaaradda Dhalinyarada iyo Cayaaradaha ayaa waxaa laga jeedin doonaa khudbado la xiriira dhalinyarada ayadoo si toos ahna ay Munaasabaddu uga baxeyso Telefishinka Qaranka Soomaaliyeed iyo Radio Muqdisho.
Sawir Qaade:- Qeys Hurdaaye
