Dab xoogan ayaa ka kacay inta u dhexeysa Dekadda caalamiga ah ee Muqdisho iyo Xabsiga dhexe ee Xamar, kaasi oo qabsaday qeybo ka mid ah xabsiga iyo dekadda.
Agaasimaha Waaxda dabdamiska dowlada Hoose ee Xamar Cabdulaahi Maxamed Saneey oo la hadlay Radio Muqdisho ayaa sheegay inay ku guuleysteen daminta dabka ka kacay inta u dhexeysa dekadda iyo Xabsiga dhexe ee Xamar, kaasi oo uu sheegay in uu ka dhashay qashin goobta yiilay.
Agaasimaha ayaa intaa ku daray in qasaaraha ka dhashay dabka aan si sax ah hadda loo sheegi karin, balse ay ku guuleysteen dhankooda daminta dabka.
