Dadkan ayaa waxaa soo Barakiciyey Wabigga Shabeele oo Fatahaad ka geystay Deegaanadii ay Daganaayeen.
Intooda badan waxaa ay kayimaadeen Moogaalooyinka Baladweyne iyo Deegaano hoostaga Magaalada Jowhar.
Qaar kamida Dadkaan oo ay lakulantay Warbaahinta Qaranka ayaa sheegay inay Dowladda Soomaaliya ka codsanayeen gargaar dhankasta ah.
“Waxaan ka codsaneynaa Dowladda Soomaaliya, Maamulka Gobolka Banaadir iyo Hey’addaha kale ee ka shaqeeya Arrimaha Bani’aadanimada inay Gargaar lana soo gaaraan maxaa yeelay waxaan nahay Dad dhimaabeysan waxaana soo marnay meelo badan si-aan Xamar u soo gaarno” Waa Qaar kamidda Dadka oo aan soo wareysanay.
Cali Macalin C.laahi iyo Maamo Aamino oo kamidda Dadkan ayaa dhankooda hadlay waxyaabaha ugu daran oo ay hadda u baahan yihiin iyo xiliga ay soo gaareen Magaalada Muqdisho, gaar ahaan Deegaanka Sarkuusta oo hadda ay ku sugan yihiin.
“Dadkan waxaa ay soo gaareen Magaaadda muqdisho Mudo hal Todobaad ah ka hor, waxyaabaha ugu daran oo hadda u baahan yihiin waxaa kamida Guryo, Cunto iyo Waxyaabaha Nolosha Aadanaha muhiimka u ah.
Intii ay Wadadda ku soo jireen ayaa Carruurta Qaarkamida soo dhinteen kadib markii dhibaatada heysatay ay siisiyaaday.
Meelo badan oo kamida Soomaaliya ayaa waxaa ka da’ay Roobka, wxaaana ay taas sababtay in Goboladda Soomaaliya ay Wabiyadu ka maraan Fatahaad sameeyeen fatahaadaas oo keentay in Dadku Deegaanadoodii isaga Barakacaan.
W/D Cali Axmed Sheekh
