Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh), ayaa dhagax-dhisay dhismaha waddo Interlock ah oo laga hirgelinaayo Wadada Dayax Mall ee Degmada Yaaqshiid, taasi oo isku xireysa Hotel Golden illaa Isbitaalka Qaadi.
Guddoomiyaha Degmada Yaaqshiid Mudane Suleymaan Maxamuud Fargax oo ka hadlay munaasabadda dhagaxdhiga, ayaa sheegay in muumulkiisa oo kaashanaya shacabka iyo Ganacsatada ay u istaageen sidii loo dhisi lahaa wadadaan oo qeyb ka qaadaneysa horumarinta Kaabayaasha isku socodka Degmada Yaaqshiid.
Guddoomiye Kuxigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh),ayaa soo dhaweeyay Qorshaha isku tashiga Bulsho ee lagu horumarinaayo waddooyinka Degmada Yaaqshiid, waxa uuna xusay in Maamulka Gobolka Banaadir ay ka go’an tahay horumarinta Kaabayaasha isku socodka Bulshada.
