Guddiga ka socday Dalada Waxbarashada ee FENPS ayaa maanta deeq lacag ah oo ay ugu talo galeeen dadka Soomaaliyeed ee ka soo cararaya dagaalada ka socda Wadanka Yemen ku wareejiyay guddiga badbaadinta iyo samata bixinta qaxootiga Soomaaliyeed.
Guddoomiyaha daladda waxbarashad ee FENPS Ibraahim Macalin Xuseen ayaa ka hadlay waxa ay ka koobantahay deeqda lacagta ah oo ay maanta ku wareejiyeen guddiga, isagoo ugu baaqay daladaha kale ay ku deysadaan.
“Waxaan u nimid inaan xoogaa lacag yar ah oo aan ugu talo galnay qaxootiga kasoo cararay dalka Yemen inaan soo gaarsiino Walalaheena guddiga samabixinta si ay u gaarsiiyaan gacantii mudneyd, waxaan kaloo ugu baaqayaa dhamaan inta na dhageysaneysa iyo inta na daawaneysa in ay jirto baahi lacageed oo aad u balaaran dadkii kasoo cararay deegaanadaasi, waxay kasoo carareen hantidii ay lahaayeen, waxay u baahanyihiin maanta qof kasta oo Soomaali ah inuu u istaago badbaadintooda inaan garab istaagno walaalaha isku xilqaamay guddiga oo u istagaay badbaadinta dadkaas, waxaan wadnaa laca yar oo seddex kun oo doolar oo aan kasoo uruurinay macalimiinta iyo ardayda dhigata dugsiyada hoos yimaada dalada FENPS” ayuu yiri Ibraahim.
Guddoomiyaha guddiga badbaadinta iyo samata bixinta qaxootiga Soomaaliyeed ee kasoo carayay dalka Yemen Sheekh Nuur Baaruud Gurxan ayaa uga mahad celiyay daladda FENPS deeqdan ay qxootiga Soomaaliyeed ugu talo galeen.
“Aad ayay u mahadsanyihiin waxaan leeyahay Jazaakallaah, arrintan waxa ay ka turjumeysaa Soomaalidu in ay isu gurmato oo ay isu tashato sida diinteenuba ay ku dhisantahay, dadka mu’miniinta ah waa hal qof, kolkoosa oo kale horta hal qof haduu korkiisa xanuunsado kan kalana wuu la xanuunsanaa” ayuu yiri Sheekh Nuur Baaruud.
