Wasaaradda Arrimaha Debadda Koonfur Afrika ayaa nuqul ka mid ah warqadaha Aqoonsiga Safiirka cusub ee Soomaaliya u magacowday dalka Koonfur Afrika ka guddoontay.
Munaasabadda oo ka dhacday xarunta Wasaaradda arrimaha dibadda Dalkaasi Koonfur Afrika ayuu Danjire Maxamed Sheekh Isxaaq oo ay wehliyaan Diblomaasiyiinta Safaaradda waxaa uu ku wareejiyay warqadaha Aqoonsiga ku simaha agaasimaha hab maamuuska ee Wasaarada Arrimaha dibadda ee Koonfur Afrika.
Labada masuul ayaa isla soo hadal qaaday xiriirka qotada dheer ee ka dhaxeeya labada dowladood ee soo jireenka ah iyo sido kale dhinacyada u baahan in iskaashi laga sameeyo.
