Danjiraha Soomaaliya u fadhiya wadanka Malaysia Abuukar Cabdi Cusmaan ayaa hambalyo u diray Madaxweynaha Jamuuriyadda Federaalka Soomaaliya Mudane Maxamed Cabdullaahi Farmaajo.
“Mudane Madaxweyne Hambalyo, Ilaahay ha kugu guuleysiiyo xilka culus, kii dalkiisa iyo dadkiisa dhibka ka saara Allaha kaa dhigo, Madaxweyne waxaan kuu rajaynaa guul” ayuu yiri Danjiraha Soomaaliya u fadhiya wadanka Malaysia.
Dhanka kale Danjiraha Soomaaliya u fadhiya wadanka Algeria Cabduwahaab Macalin Maxamed oo isna la hadlay Warbaahinta Qaranka ayaa hambalyo wuxuu u diray Madaxweynaha Jamhuuriyadda Soomaaliya ee la doortay.
Danjire Cabduwahaab ayaa sheegay in Madaxweynaha cusub uu ku yimid rabitaanka shacabka Soomaaliyeed, isla markaana uu u rajaynayo inuu Alle uu la garab galo xilka culus ee uu qaaday.
Baarlamaanka Soomaaliya ayaa doortay Mudane Maxamed Cabdullaahi Farmaajo kaas oo noqday Madaxweynaha afarta sano soo socota ee Soomaaliya.
