Shirkan wadatashiga ah oo looga hadlay daraasaddi laga sameyay abaarahii ka dhacay dalka sanadihii 2016-2017 ayaa lagu qabtay magaalada kismaayo kaas oo ay ka qeybgaleen mas’uulayiinta Wasaaradda Qorsheynta oo shirka wadatashiga soo qaban qaabisay iyo xubno kale.
Daarasadda waxay qeexaysaa dhibaatada ka dhalatay abaarahii ka dhacay dalka, waxybaaha ugu badan ee keena abaaraha iyo sida looga gaashaman karo, iyadoo diirada la saarayo sidii loo qaadan lahaa natiijada ka soo baxday daraasadda.
Agaasimaha Guud ee Wasaaradda Qorshaynta dowlad Gobleedka Jubbaland oo daraasadda si qota dheer uga hadlay qeybta quseeso ka Jubaland ahaan, waxaana uu tilmaamay sida wnaagsan ee ay dowladda uga go’antahay wax ka qabashada abaaraha oo si cilmiyeesan loo dursayo.
Cabdiqaadir Aadan Maxamed Agaasimaha Guud ee Wasaaradda Qorsheynta Xukuumadda Federaalka Soomaaliya ayaa sheegay in ujeeddada kulanka ay tahay sidii looga hadli lahaa daraasadda la sameeyay, waxaana uu intaa ku daray in Daarasadan laga sameyay Gobalada Dalka, isla markaana ay tahay in markii ugu horeysay ee lagu soo bandhigayo xarunta KMG Jubbaland ee Kismaayo.
Mas’uuliyiinta Wasaaradda Qorsheynta ayaa wada qorshe ah in daraasadan lagu soo bandhigo xarumaha Dowlad Gobaleedyada dalka, si wadajir wax looga qabto abaaraha dalka ku soo noq noqatay.
W/D: Cabdirashid Nuur Ibraahim
