Duqa Degmada Gaalkacyo Mudane Cabdiraxmaan Sheekh Xasan oo ay weheliyaan Guddoomiye ku-ku-xigeenka Degmada Gaalkacyo, Odayaasha dhaqanka ayaa maanta kormeer ku gaaray deeganka Jeexdin ee duleedka magaalada Gaalkacyo ee Dowlad Goboleedka Galmudug.
Kormeerkan ayaa ahaa mid lugu soo ogaanayay halka uu marayo qodidda ceel biyood laga waday shantii bilood ee u danbeysay deegankaas.
Duqa Degmada Gaalkacyo Mudane Cabdiraxmaan Sheekh Xasan ayaa sheegay in lugu guuleystay hirgelinta ceelkaan wuxuuna Guddoomiyaha uga mahadceliyay cid kasta oo gacan ka geysatay ceelkaan muhiimka u ah dadka ku dhaqan deeganka Jeexdin, maadaama horay xaalado biyo yari ay ka jirtay deegaanka.
