Maxkamadda sare ee ciidamada qalabka sida ayaa maanta go’aan kama dambeys ah ka gaartay kiiska Xasan Xanafi Xaaji oo loo heysto dilalka suxufiyiin dhowr ah.
Maxkamadda sare ee ciidanka qalabka sida oo maanta u fadhiisatay dhageysiga dacwad cibaaqaadkii loo heystay Xasan Xanafi oo racfaan ka qaatay xukunkii dilka ee 3-dii bishan ay ku riday maxkamadda darajada koowaad ayaa maanta markale Maxkamadda sare ee ciidamada qalabka sida ku riday xukun dil ah, iyadoo goobta maxkamadda ay ku sugnaayeen suxufiyiin dhowr ah.
Guddoomiyaha maxkamadda sare ee ciidamada qalabka sida Liibaan Cali Yarrow ayaa sheegay in maxkamadda saree ciidanka ay ku raacday xukunkii 3-dii bishan ay riday maxkamadda darajada koowaad kaasi oo ahaa dil toogasho.
Xasan Xanafi ayaa ku luglahaa dilalka wariyeyaal dhowr ah oo lagu dilay Muqdisho iyo qaar ka mid ah gobollada kale ee dalka.
