Agaasimaha guud ee wasaaradda dekadaha iyo gaadiidka badda dowlad goboleedka Galmudug mudane Abshir Xaashi Cali oo wareysi siiyay Radio Muqdisho ayaa ka warbixiyay halka uu marayo qorshe la doonayo in degmada Hobyo ee gobolka Mudug loogu dhiso dekad macmal ah inta laga dhisayo dekadda weyn ee degmada.
Agaasimaha ayaa sheegay in dakadaan ay muhiim u tahay bulshada degmada Hobyo iyo kaluumeysatada degmada.
Dhanka kale Agaasimaha ayaa tilmaamay in ay xafiis cusub wasaaradu ka furatay degmada Hobyo kaas oo dabooli doona baahiyaha ay shacabka Hobyo u qabaan dhanka dekadaha iyo gaadiidka badda.
Halkaan hoose ka dhageyso wareysiga oo uu qaaday Wariye Maxamed Xasan Cali (National)
