Madaxweynaha Dowlad goboleedka Puntland Siciid C/llaahi Deni oo ka hadlay xanuunka Corono Virus ee dunida ku faafay ayaa sheegay in Puntland ay qaaday tallaabooyin looga hortagayo cudurkaan inuu faafo.
Madaxweyne Deni “Caabuqa ‘Coronavirus’ waa khatar dunida ku soo siyaaday sidaas awgeed Puntland waxay qaaday talaabooyin looga hortagaayo faafidda caabuqaan inuu dalka ku faafo”.
Dadka Soomaaliyeed gaar ahaan Puntland ayuu ugu baaqay inay qaataan talooyinka Hay’adaha Caafimaadka iyo Arimaha Gudaha Puntland inta suurto galka ah.
“Waan dareensanahay duruufaha dadkeena ku xeeran lakiinse waxaan ku baaqaynaa in la yareeyo; isu socodka laga maarmi karo, xafladaha iyo kulamada sida maqaaxiyaha iyo goobaha cibaadada.”ayuu yiri madaxweyne Deni.
