Saddex dhagar qabe oo ka tirsanaa argagixisada Al-Shabaab ayaa miino ay ku aasayeen deegaanka Baardhabaq ee ka tirsan Degmada Buula-burte ee Gobalka Hiiraan kula qaraxday.
Dhagar qabayaasha ayaa doonayay inay ku dhibaateeyaan miinadan dadka shacabka ee ku safraya waddada laamiga ee mara deegaanka Baardhabaq.
Sarakiisha ciidamada qalabka side ee Soomaaliya ayaa booqday goobta ay miinada kula qaraxday maleeshiyaadka argagixisada Al-Shabaab.
Maleeshiyaadka Al-Shabaab ayaa ku soo aruuray dhigista walxa qarxa kadib markii laga sifeeyay Deegaanno badan oo ka tirsan Gobolka Hiraan, halkaasi oo kolkii hore ay argagixisadu dadka ku dhibaateyn jireen.
Saraakiisha ciidamada qalabka side ee Soomaaliya ayaa sheegay inay sii wadaayaan howlgallada lagu ciribtirayo maleeshiyaadka argagixisada Al-Shabaab.
