Wasiirka Dhallinyarada iyo Cayaaraha ee Xukuumadda Federaalka Soomaaliya Khadiijo Maxamed Diiriye ayaa hambalyo iyo bogaadin u dirtay xidigaha Xulka Qaranka Dalkeena oo guul taariikhi ah ka soo hooyay tartanka Bariga iyo Bartamaha Afrika oo ay 1-0 kaga adkaadeen Xulka Dalka Burundi.
Wasiir Khadiija oo waryeysi gaar ah siisay Radio Muqdisho ayaa ugu horeyn Hambalyo u dirtay cayaartooyda Soomaaliyeed, waxaana ay guusha ay ka gaareen dhigooda Burundi ku tilmaamtay mid taariikhi ah oo ka turjumeysa horumarka Isboorti ee ay Soomaaliya ku talaabsatay.
Related posts
βWaa guul dhamaan Ummadda Soomaaliyeed u soo hooyatay, Dowlad iyo shacabka Soomaaliyeed meelkasta oo dalka gudahiisa iyo dibadiisa ay ka joogaan, gaar ahaan Bahweynta Isboortiga Soomaaliyeed, gaar ahan Olombikada, Xiriika kubadda cagta iyo Wasaaradda Dhallinyarada iyo Isboortiga, waa wax Alle loogu xamdiyo horumarka isboortiga Soomaaliya uu sameynayoβayay tiri Wasiir Khadiijo
Wasiirka Dhallinyarada iyo Cayaaraha ee Xukuumadda Soomaaliya aya sheegtay in saddexdii sano ee la soo dhaafay lagu guuleystay horumarka dhanka isboorti ee la sameeyay, iyadoo guul u rajeysay Xulkeena kulanka xiga ee ay la balansanyihiin Axadda xulka dalka Eritrea.
Khadiijo Maxamed Diiriye ayaa tilmaamtay inay goordhaw ay dalka imaan doono cayaartooy Soomaaliyeed oo ka kala imaanaya Dalalka Ingiriiska, Sweden iyo Holland, kuwaasi oo qeyb ka ah hannaanka la isugu dhafayo cayaartooyda Soomaaliyeed, si loo tayeeyo, isla markaana loo horumariyo isboortiga dalka.
Halkan ka dhageyso Wareysiga Wasiirka Dhallinyarada iyo Cayaaraha ee Xukuumadda Soomaaliya
