Guddoomiyaha degmada Beladweyne ee xarunta Gobolka Hiiraan Mudane Maxamed Cismaan Cabdi (Macalin Qalaafow) ayaa sheegay in dad badan ay ka barakaceen magaalada Beladweye oo ay sabab u tahay roobab xoogleh oo ka da’ay magaalada iyo biyaha Webiga oo isbiirsaday, taasi oo keentay inay ka dhashaan biyo baxo xoog leh oo uu webigu fatahaad sameeyo.
Guddoomiyaha oo la hadlay Radio Muqdisho ayaa sheegay in dhibaato xoog leh ay ka jirto magaalada Beladweyne, isla markaana dad lagu qiyaasayo in ka badan afar kun ay iminka u qaxeen tuulooyinka ku hareereysan magaalada, isagoo xusay in weli aysan magaalada ka soconin lacagta shilin Soomaliga ah oo dadku ay wax ku iibsadaan lacagta doolarka ah.
Mudane Maxamed Cismaan Cabdi (Macalin Qalaafow) aya xusay kulan ay la qaateen hay’adaha samafalka ay isku afgarteen in la magacaabo guddi ka kooban 18 qof oo isugu jira Maamulka iyo hay’adaha samafalka si kaalmo loo gaarsiiiyo dadka ka barakacay magaalada.
