Xillli maalmo uun ay naga xigto bilashada bisha barakeysan ee Ramadaan ayaa qaar kamid ah dhalinyaradda Soomaaliyeed waxa ay Isku-xilqaameen sidii ay u caawin lahaayeen, dadka dantayar ah ee ku dhaqan qaarkamid ah Gobolada dalka iyo magaalada Caasimada ah ee Muqdisho.
Guddoomiyaha dhalinyarada Taakulo Jaamac C/laahi dheere oo la Hadley warbaahinta Qaranka ee Radio Muqdisho ayaa waxa uu faahfaahiyey ujeedada Barnaamijkan ay ku afurinayaan dadka danyarta ah, asigoo sheegay in shacabka Soomaaliyeed ay yihiin kuwa jecel ka qeyb qaadashada kheyrka, wuxuuna xusay iney dhalinyaro badan oo dalka iyo dibadiisa jooga ay garab istaagaan sanad walba.
Dhankale Guddoomiyaha taakulo Jaamac dheere ayaa qeybaha kala duwan ee bulshada ka codsadey sidii ay u kordhi lahaayeen caawinta dadka danyarta ah, asigoo tilmaamay iney muhiim tahay ka qeyb qaadashada afurinta oo uu xusay in dad badan aysan helin afur, wuxuuna sheegay in ay soo wadeen Barnaamijkaan muddo 3 sano ah ayna sii laba jibaari doonaan.
