Xisbiga dhalinyarada ee marka magacooda la soo gaabiyo loo yaqaan SYPP ayaa hambalyo iyo bogaadin u diray dhamaan Ummadda Soomaaliyeed meelkasta oo ay joogaan xuska 74 guurada ka soo wareegtay aas aaska ururka dhallinyarada ee S.Y.L ee 15-kii May Gobonimada doonka ahaa.
Guddoomiyaha Xisbiga dhalinyarada Maxamed Kheyre ayaa tilmaamay inay bulshada Soomaaliyeed la wadaagayaan weyneynta iyo u dabaal degidda xuska maalinta dhallinyarada Soomaaliyeed ee 15-ka May, oo ah maalin qiimo weyn ugu fadhiso dhammaan shacabka Soomaaliyeed.
“Waxaan Ilaahay uga baryeynaa in uu u naxariisto geesiyaashii naftooda u huray xornimada maanta aynu ku naalooneyno, inta noolna waxaan Eebbe u rajeyneynaa inay ku noolaadaan caafimaad qab iyo barwaaqo, waxaana Alle ka baryeynaa in Ummadda Soomaaliyeed uu quluubtooda isku soo dumo, oo dhibaatada ku habsatay Eebbe ka qaado, si loo gaaro midnimo iyo horumar” ayuu yiri Maxamed Kheyre
