Hooyo Faadumo Xuseen Cali, waxay ku nooshahay Deegaanka Koonko oo 5KM u jirta Degmadda Jowhar, waa naafo heysata Labo Wiil oo Da’dooda u dhaxeysa Hal sano ilaa Labo sano, waa dhibane ninkeedii oo la yiraahdo Cabdi Ciise Cali ku weysay Xasuuqii ay Maleeshiyada Argagixisada ah ee Alshabaab ay ka geeysteen Isgoyska Zoobe (KM5) ee Magaaladda Muqdisho.
Faadumo waxay Maanta soo booqatay Xarunta Gurmad qaran, halkaasi oo aan kula kulannay ayaa waxa ay sheekeysay Ujjeedada xaruntan ay u timid.
“Waxaan baadi goob ugu jiraa seeygeyga oo lagu magaacabo Cabdi Ciise Cali ku waayey Qaraxii Zoobe ka dhacay, waxa uu ka ganacsan jiray Iibinta cadayga, Labo maalin ayuu keeni jiray Isgooyska Zoobe, maalintii Musiibada ay dhaceysay ayaana iigu war dambeysay” ayey tiri Hooyo Faadumo
Maamo Faadumo oo wajigeedu ay ka muuqatay murugo, ayaa sheegtay in qaraxa inta uusan dhicin ka hor uu lasoo xiriiray Seygeeda, islamarkaana uu u sheegay in Lacag u sarifayo, uuna addeega EVC Plus uu ugu soo dirayo.
“Waxay aheyd Labadii duhurnimo 02:OO PM, waxaa ila soo xiriiray seegeyga, waxa uu ii sheegay in lacag uu ii soo dirayo, uuna jooga goob lacagta lagu sarifo oo ku taalla sarif yaraha isgoyska Zoobe, waxaan sugayey in ay isoo gaarto lacagtii uu ii soo dirayey, saacad kadib ayaan wacay, balse nasiib darro Teleefankiisa wuu dansanaa, aniggoo yaaban ayaa waxaa maqlay in Zoobe qarax uu ka dhacay, aad ayaa u naxay, waayo halkaas ayaa ku oggaa markii iigu dambeysay illaa iyo haddana waan weysanahay!” ayey tiri Faadumo
Faadumo Xuseen Cali, ayaa codsatay in Ummadda Soomaaliyeed iyo Madaxda Dowladda Soomaaliyeed in ay usoo gurmadaan, lana qeybsadaan dhibaatada, maadaama Seeygeeda uu ahaa qofka kaliya oo ay ka heli jireen Nolol maalmeedkooda.
Ra’iisul wasaaraha Xukuumadda Federaalka ah ee Soomaaliya iyo Ku xiggeenkiisa oo maanta booqasho ku yimid Xarunta Gurmad qaran, ayaa la kulmay Dhibane Faadumo, iygaggoo la qeybsaday Muragada, R/wasaare ayaana u balan qaaday in Xukuumadda ay ka war heyn doonto Nolosha Qoyska Faadumo.
SONNA
