Waxaa meel wanaagsan maraya dhismaha Garoonka diyaaradaha magaalada Galdogob, kaas oo ay hirgalinayso Wasaaradda Gaadiidka iyo Duulista Hawada Xukuumadda Soomaaliya.
Howlwadeenka Wasaaradda Gaadiidka iyo Duulista hawada Soomaaliya u qaabilsan dhismaha Garoonkaan Cabdinuur Saciid Xasan ayaa sheegay in dhismaha Garoonka uu u socdo si habsami leh, waxaana uu u mahadceliyay injineero ka socda Wasaaaradda Gaadiidka iyo Duulista Rayid ka ah, kuwaas oo sameeyay naqshadda dhabaha diyaaradu ku cararto iyo qaabka guud ee uu noqonayo Garoonku.
Dhankiisa Wasiirka Gaadiidka Xukuumadda Soomaaliya mudan Duraan Faarax ayaa sheegay in uu ku faraxsan yahay sida shaqadu u socoto, waxaana uu bulshada Deegaanka uga mahadceliyay garab istaagooda dhismaha Garoonka.
Waxgaradka Galdogob ayaa dawladda Soomaaliya uga mahadceliyay hirgalinta dhismaha Garoonka Galdogob, waxaana ay sheegeen in wakhti dheer ay sugayeen mashruucaan hirgelintiisa.
