Guddoomiye ku-xigeenka labaad ee Golaha shacabka Mudane Mahad Cabdalla Cawad iyo xubnaha Guddiga joogtada ah ee Xildhibaanda Golaha wakiiladda Dowlad Goboleedka Puntland oo maalmihii lasoo dhaafay magaalada Muqdisho uga socday kulan aqoon isweydaarsi ah oo ay la qaadaneyeen Guddiga joogtada ah ee Golaha Shacabka ayaa maanta kormeeray xarunta Guddoonka iyo guddiyada ee VIlla Hargeysa oo uu ka socdo dhismaha xarunta uu ku shiri doono golaha Shacabka oo heer gaba gabo ah mareysa iyo qeybaha ay ka koobantahay.
Xaruntan oo uu golaha shacabka ku shiri doono inta laga dhisayo xarunta weyn ee Golaha Shacabka oo dhowaan dib u dhis lagu bilaabi doono ayaa ah xarun KMG ah oo hadii golaha dhismahooda weyn loo dhisana looga faa’iseysan doono howlaha kale ee golaha oo ay ka mid tahay xarun tabbabar oo dhanka sharciyada ah iyo howlaha kale ee Golaha Shacabka muhiimka u ah ayay maanta si wadajir ah dhamaan qeybaha ay ka koobantahay u kormeereen.
Xubnaha gudiga joogtada ah golaha wakiilada ee Dowlad Goboleedka Puntland ayaa magaalada Muqdisho uga qeyb galaya kulan aqoon isweydaarsi ah oo ay la yeelanayaan Guddiga joogtada ah ee golaha shacabka, kulankaasi oo ujeedkiisu uu yahay sidii loo dar dar gelin lahaa xiriirka dhow iyo iskaashiga ka dhaxeeya labada guddi joogto iyo xoojinta wada shaqeynta guddiyada isku shaqada ah, kaasoo uu dhawaan furay Guddoomiye ku-xigeenka labaad ee Golaha Shacabka.
