Wasiir ku xigeenka wasaarada maaliyada dowlada fadaraalka soomaaliya Prof C/llaahi sheekh Cali (Qaloocoow) Iyo wasiiru dowlaha wasaarada Arimaha Gudaha iyo dowladaha hoose ee Galmudug Cumar Maxamed Diiriye oo ay wehliyeen masuuliyiinta maamulka Gobalka mudug ayaa maanta si
rasmi ah u dhagax dhigay xarunta maamulka Dagmada Bandiiradleey iyo xarunta garsoorka deegaankaasi kuwaasi oo ay dhismahoodu u fulinayaan wasaarada maaliyada Dowlada Fadaraalka soomaaliya dowlad gobaleedka Galmudug iyo maamulka iyo Bulshada deegaanka Bandiiradleey ee Gobalka
Mudug.
Dhagax dhiga kadib ayaa waxaa ugu horeeyn madasha laga dhagax dhigay xarumahaan ka hadlay Gudoomiyaha Gobalka Mudug C/rashiid Xaashi Cartan oo ugu horeyn uga mahad celiyay dowlada fadaraalka soomaaliya gaar ahaana wasaarada maaliyada mashruuca dhismaha xarumahan isagoo sidoo
kalana sheegay in mashrucaan uu noqan doono mid u hirgala sidii loogu tala galay balse dowlada fadaraalka soomaaliya ay ka codsanayaan wax ka qabashada baahiyo fara badan oo dhanka xarumaha adeegyada bulshada kuwaasi oo uu tilmaamay in ay ka jiraan deegaano fara badan oo ka
tirsan gobalka mudug ugu gudoomiyaha ayaa xusay in ay ka rajeynayaan hay adaha kale ee dowlada fadaraalka doorka ay ku leeyihiin in ay wax kala qabtaan.
Wasiiru dowlaha wasaarada Arimaha Gudaha iyo Dowladaha hoose ee Galmudug Cumar Maxamed Diiriye ayaa isna dhankiisa sheegay in mashrucaan uu yahay mid ku yimid wada shaqeynta dowlada fadaraalka soomaaliya iyo dowlad gobaleedka Galmudug sidaa darteedna shacabka reer Galmudug looga baahan yahay in ay dowladooda dhaxe iyo tan galmudugba la shaqeeyaan taasoo oo uu xusay in haddii la helo dowlada fadaraalka soomaaliya ay ka saacidi doonto mashaariic kale oo ku aadan baahiyada dhanka adeega bulshada ee ka jira guud ahaan deegaanada Galmudug.
Ugu danbayna Wasiir ku xigeenka wasaarada maaliyada dowlada fadaraalka soomaaliya Prof;C/llaahi sheekh Cali (Qaloocoow) ayaa sheegay in mashruucaan laga hirgalinayo deegaanka Bandiiradleey uu qeyb ka yahay mashaariic ay wado dowlada fadaraalka soomaaliya gaar ahaan wasaarada
maaliyada kuwaasi oo qaarkood laga hirgaliyay deegaano fara badan oo ka tirsan dalka sidoo kalana laga bilaabi doono kuwa kale oo aan lahayn xarumaha adeegyada bulshada sida dagmada iyo garsoorka.
Waxaa Diyaariyay Wariye C/risaaq Maxamed Axmed (Galkacyo)
