Xirfadaha Gacanta ayaa waxa ay yihiin kuwo wax wayn ka tara Maaraynta Nolosha Bulshada gaar ahaan kuwa Danyarta ah bilo ka hor ayaa magaalada Dhusamareb laga hirgaliyey Iskuul lagu Barto Xirfadaha Gacanta, waxaana ka faa’iidaystay Dad ka badan Laba Boqol oo Qof kuwaasi oo isugu jira Rag iyo Haween waxaana Mashruuc fulinayey Hay’ad Maxali ah ah taasoo lagu magacaabo RAADO kana Howlgasha Deegaanada Galmudug.
Ardayda ayaa waxa ay soo bandhigeen Xirfadihii la soo baray kuwaasoo kala ah Harqaanka, Cilaan-saarka, Farsamada Telefoonada iyo Korontada, waxaana ay sheegeen inay aad ugu faraxsanyihiin farsamada gacanta ah ee ay barteen.
Cabdirisaaq Maxamed Kadiye waxa uu ka mid yahay Maamulka iyo Macalimiinta, waxa uuna kula dardaarmay in wixii la soo baray ay Bulshada dib ugu celiyaan si looga faa’iido, iyagana wax soo saar ugu noqoto.
Wabarashada oo heerar kala duwan leh ayaa waayihii dambe samaynaysay kobac balaaran Gobolka, waxaana meesha ka baxay dadkii Wabarashada u doonan jiray meelaha kale
By; Maxamed Cabdi
