Dibadbaxayaasha u ololeeya dimuqraadiyadda ayaa isugu soo baxay caasimadda Thailand ee Bankog,dibad-baxaan ayaa noqoya kii ugu weynaa ka dib afgambigii militari ee 2014 ka dhacay dalkaasi,kaas oo uu xukunka kula weegay ra’iisul Wasaare Prayuth Chan-ocha.
Kumanaan qof oo mudaaharaadayaal ah ayaa Sabtida maanta isku dayay inay xoog ku galaan xarunta Jaamacadda Bangkok ee Thammasat University, oo ah xarun muddo dheer astaan u ahayd dimuqraadiyadda, balse waxay dibad-baxayaashu aadeen dhinaca beerta Sanam Luang ee ku dhow qasriga boqortooyada.
warbaahinta Thailand ayaa saadaalisay in kumanaan qof oo dibad baxayaal kale ah ku biiri karaan isu soo baxa,lana filayo in uu socdo ilaa iyo Axada.
Booliska Bankok waxey sheegeen in ay howlgalin doonaan ciidamada ka hortagga rabshadaha si loo xakameeyo dibad-baxayaasha.
mid ka mid ah dibaxayaasha ayaa yiri ” waan sii wadi doonaa dalabkeenna, Muwaadin ahaan, waa inaan awoodnaa inaan u dagaalanno xuquuqdeenna nama istaajin karaan ,hadda waxaan jabinay albaabka koowaad waana sii socon doonnaa ilaa aan ka helno dimuqraadiyad”.
muuqaalo iyo masawiro laga soo qaaday dibad baxayaasha ayaa muujinaya iyaga oo isku sii fidinaya goobaha kale ee uusan dibad baxu gaarin.
