Dowladda Federaalka Soomaaliya ayaa digniin ka soo saartay duufaan laga cabsi qabo inay ku dhufato degaannada dhaca xeebaha bariga Jamhuuriyadda sida Eyl iyo Xaafuun 3da bisha Novembar oo Axada ku beegan.
Wasiirka Warfaafinta Soomaaliya Mudane Maxamed Cabdi Xayir Maareeya ayaa sheegay in duufaan xoogleh laga cabsi qabo inay ka dhacdo qaar ka mid ah deegaannada dalka, isla markaana shacabka ku nool deegaannada xeebta looga baahanyahay inay ka fogaadaan xeebaha badda cas.
“Waxaan Ummadda Soomaaliyeed gaar ahaan deegaannada Puntland iyo Somaliland la wadaagayaa in la filayo ama ay jirto filasho ah inay duufaan la dhaho Care ay deegaannada saameyso 3-da October oo Axadda ku beegan, gaar ahaan deegaannada Eyl, Xaafuun iyo Xeebaha Sanaag ayay ku soo socotaa, waxaa la qayaasayaa in Soomaaliya ay ku gaarto 75% duufaanta, waxaana kula talineynaa inay digtoonaadaan marka la gaaro 1-da bisha November oo ay tegeen meelo ka baxsan xeebta”ayuu yiri Wasiir Maareeye.
Wasiir Maareeye ayaa hoosta ka xariiqay dowladda ay shacabkeeda xog dheer ah ka sii doonto waxa ku soo kordha duufaanta laga cabsida qabo inay ku dhufato xeebaha dalka.
https://www.facebook.com/sntvnews/videos/2379030032351346/
https://www.facebook.com/sntvnews/videos/2379030032351346/?t=18
https://www.facebook.com/sntvnews/videos/2379030032351346/
https://www.facebook.com/sntvnews/videos/2379030032351346/?t=18
