Diyaaradaha dagaalka Yuhuudda ayaa beegsaday bartilmaameedyo ku yaalla dhulka Falastiin kaddib markii dagaal yahannada Falastiiniyiinta ee ku sugan magaalada Gaza ay gentaallo ku tureen Israaβiil.
Militeriga Israaβiil ayaa sheegay in ku dhawaad 10 goobood oo Xamaas leedahay la beegsaday subaxnimadii hore ee Arbacada maanta kaddib markii 15 gentaal ay ku soo dhaceen koofurta Israaβiil.
Tallaadadii, gentaal laga soo tuurey dhanka Gaza ayaa ku dhacay magaalo xeebeedka Isreal ee Ashdod, labo ruux ayaa ku dhaawacmay.
Falastiiniyiinta waxay baadi goobayaan sidii ay u heli lahaayeen dowlad madax bannaan oo ayaga leeyihiin hase yeeshee heshiiskan Mareykanku dabada ka riixayo ayaa loo arkaa in qadiyadda Falastiin uu caqabad ku yahay.
Illaa iya hadda ma jiraan wax khasaare ah oo ka dhashay duqeymihii u dambeeyey, Isreal waxay sheegtay in gentaalada Xamaas soo tuurtay hawada lagu burburiyay ayna kaga hor tageen hannaanka difaaca gentaallada ee loo yaqaano Iron Dome.
Bayaan ka soo baxay Militeriga Isreal ayaa lagu sheegay in ay beegsadeen labo goobood oo Xamaas hubka iyo qaraxyada ku farsameeyaan iyo goobo kale oo lagu tababaro dagaalyahnada Falastiiniyiinta.
Arrintan ayaa imaanaysa xilli Isreal, Baxreyn iyo Imaaraadka Carabta heshiis ku wada saxiixdeen Mareykanka.
