Dood wadaagaan oo ay soo agaasintay Wasaaradda Warfaafinta Galmudug, oo ay ka arragti dhiibanayeen dad-weyne farabadan ayaa xalay ka dhacay magaaladda Gaalkacyo. Kulanka ayaa waxaa kasoo qeyb-galay Wasiirka Warfaafinta Galmudug Mudane Abshir Cabdi Sheekhow.
Waxaa sidoo kale Dood Wadaaga goob-joog ahaa Xildhibaano ka Tirsan Baarlamaanka Galmudug, Xubno ka mida kuwa golaha deegaanka ee dagmada Galkacyo, Aqoonyahano, Ardayda jaamacadaha iyo Xubno ka socday Ururada dhallinyarada iyo Haweenka Gobalka Mudug.
Wasiirka Wasaaradda Warfaafinta Galmudug Abshir Cabdi shèekhoow,Ayaa ugu horreyn sharaxaad buuxda ka siiyay ka qeyb galayaashii Dood Wadaaga, ujeedka laga leeyahay dood wadaaga ku saabsan Dowlad wanaaga iyo isla xisaabtanka taas oo loo marayo Warbaahinta.
Kulanka ayaa Wasiirka Warfaafinta Galmudug,lagu waydiiyay su’aalo ku aadan Moduuca miiska saarnaa ee ahaa Dowlad wanaagga iyo la xisaabtanka Dowladda ayada oo loo maraayo Warbaahinta.
Aqoon yahannaddii kulanka kasoo qeyb galeen ayaa tallooyin ku biiriyay Dood la xisaabtanka Dowladda.
