Guddiga Qaban qaabada Doorashada Madaxweynaha JF Soomaaliya ayaa ku dhawaaqay in gabi ahaanba la joojiyay doodii loo qaban lahaa Musharaxiinta u taagan xilka Madaxweynaha Jamhuuriyadda Soomaaliya.
Guddoomiyaha Guddiga C/rixmaan Ducaale Beyle oo warbaahinta kula hadlay xarunta baarlamaanka ayaa sheegay in maanta dalka oo dhan ay ka jirtay cilad xagga Internetka ah taasina ay keentay in TV-da si toos ah looga daawan waayo Dooda.
“Waxaan u aragnay in hadii aan dib u dhigno Dooda oo la qabto mar kale inay taasi qaldi karto Jadwalka loo go’aamiyay habraaca doorashada, sidaa darteed waxaan joojinay doodii Musharaxiinta loo qaban lahaa.” Sidaasi waxaa jiri Guddoomiyaha Guddiga.
Maalinta Khamiista ah oo ay beegantahay 2-da Febraayo ayaa waxaa bilaabanaya khudbadaha Musharaxiinta Madaxweynaha ay u jeedinayaan Baarlamaanka Soomaaliya taas oo socon doonta ilaa iyo 5-ta Bisha.
