Aqoonyahannada Galmudug Qaar ka mid ah ayaa kulankan ka soo qaybgalay waxaana looga hadlayey Doorka Aqoonyahanku ku lee yahay Arimaha Dowlad Wanaaga iyo Taageerada Maamulka Galmudug.
Kulanka oo qeyb ka ah Kulamo isdaba joog ah oo uu Bulshada Qaybeheeda la yeelanayey Xildhibaan Shaacir Sheegow Maxamed ayaa waxaana dhamaan looga hadlayey in Bulshadu kaalin ku yeelato ka shaqaynta Dowlad Wanaaga.
Qaar ka mid ah ka Qaybgalayaasha oo Madasha ka hadlay ayaa soo jeediyay Habka Bulshada iyo Maamulku isula shaqayn karaan loona taageeri lahaa.
Cali Cabdullaahi Galawac Wasiiru Dowlaha Caddaaladda iyo Arimaha Garsoorka Galmudug ayaa xusay in Qof kasta oo Reer Galmudug ilaalinta Nidaamka Dowliga ahi Waajib ku yahay.
Xildhibaan Shaacir Sheegow Maxamed oo kulanka Gabagabadiisa ka hadlay ayaa sheegay in Talooyinka Bulshada uu Gaarsiinayo Hay’adaha Galmudug.
Maalmihii la soo dhaafay ayaa Ururada Bulshada Rayidku isugu imaanayeen Kulamo looga Arinsanayo Doorka Bulshada ee Dowlad Wanaaga, waxaana Garwadeen ka ahaa Xildhibaan Shaacir Sheegow Maxamed oo ka mid ah Xubnaha Firfircoon ee Baarlamaanka Galmudug.
