Kulankan looga hadlayay sida dhallinyarada Soomaaliyeed ay ugu qeyb qaadan karaan horumarka iyo dib u dhiska dalka uu soo qaban qaabiyay maamulka Jaamacadda SOMVILE ayaa lagu qabtay magaalada Muqdisho
Kulanka ayaa waxaa ka qeyb galay maamulka Jaamacadda, aradayda wax ka barata Jaamacadda mas’uuliyiin ka tirsan Machadka Horseed International collage, guddoomiyaha Midowga ardayda Jaamacadaha Soomaaliyeed iyo marti sharaf kale, waxaana inta uu socday kulanka diiradda lagu saaray dowrka dhallinyarada Soomaaliyeed kaga aadan ka qeyb qaadashada horumarka iyo dib u dhiska dalka.
Guddoomiyaha Midowga Ardayda Jaamacadaha Sooamaaliya Cabdullaahi Shariif Cabdi ayaa kula dardaarmay dhalinyarada Soomaaliyeed in ay ka qeyb qaataan horumarka iyo dib u dhiska dalkooda hooyo.
Guddoomiyaha Machadka Horseed International Collage Aadan Cabdulle Cabdi oo hadlay kulanka ayaa sheegay in ahmiyad gaar ah u leeyaahy kulamada nuucaani oo kale, dhallinyarada Soomaaliyeedna looga fadhiyo inay ka soo dhalaalaan doorka ay ku leeyihiin horumarka dalka.
Guddoomiye ku-xigeenka Jaamacada SOMEVILE Cabdiqaadir Bashiir Maxamed ayaa ku booriyay dhallinyarada ka qeyb qaadashada horumarka iyo dib u dhiska dalka, maadaama dhallinyarada ay yihin laf dhabarka bulshada.
Barnaamijkeena waxa uu quseeyaa sidii dhallinyarada Soomaaliyeed ay uga qeyb qaadan lahaayeen horumarka dalka, hadii ay ahaan lahayd xag dhaqaale iyo xag maskaxiyeed”ayuu yiri Cabdiqaadir.
