Dowlad goboleedka Galmudug ayaa maanta maamul cusub u magacaabay degmada Balanbal e gobolka Galgaduud, kuwaasi oo looga fadhiyo inay dar dargeliyaan howlaha loo idmaday.
Wasiirka Arrimaha gudaha iyo Dowladaha Hoose ee Galmudug Jaamac Xasan Salaad Sheelare oo xafiiskiisa ka soo baxday Wareegtada lagu magacaaabay Maamulka cusub ayaa Warbaahinta u akhriyay wareegtada
- Jaamac Xayle Maxamed waxaa loo magacaabay guddoomiyaha degmada Balanbal,
- Cabdirisaaq Cabdi Xalane, Guddoomiye ku-xigeenka 1aad,
- Cabdi Xaaji Xasan Guddoomiye ku-xigeenka labaad,
- Cabdullaahi Xasan Barre Xoghayaha dowladda Hoose,
- Cabdi Faarax Warsame Madaxa Waaxda Amniga iyo siyaasadda,
- Saalax Cabdulle Aadan madaxa Waaxda Arrimaha bulshada,
- Dhakal Qurac Cali madaxa Waaxda maamulka iyo Maaliyadda,
- Cabdi Muuse Cali Taliyaha booliska ee degmada,
- Cawil Cabdi Yuusuf Taliyaha Nabad sugidda degmada,
- Cabdifataax Daahir Buldhe kaaliyaha Waaxda Amniga iyo siyaasadda,
- Feysal Siyaad Caanood kaaliyaha Waaxda Arrimaha bulshada,
- Shirwad Cali Kulane kaaliyaha Waaxda Maamulka iyo Maaliyadda,
- Cabdi Caanood Guuleed kaaliyaha Waaxda Garsoorka,
- Sheekh Faarax Cilmi Faarax Qaaliga Degmada,
- Gambeys Xasan Gurato Madaxa Waaxda Bi’ada iyo dhirta
Guddoomiyaha cusub ee degmada balan bal Jaamac Xayle Maxamed oo la hadlay Radio Muqdisho ayaa sheegay in uu aad ugu faraxsanyahay xilka loo magacaabay, waxaana uu shacabka ka codsaday inay la shaqeeyaan.
“Maamulka Galmudug ayaa na magacaabay, sida aad ogtihiin maamulkiii hore runtii way ku qanceen magacaabista, qorshahayagu waxa uu yahay in aan ka shaqeyno arrimaha bulshada iyo horumarka degmada, nabadeynta beelaha wada dega degmada iyo in aan ku shaqeyno siyaasadda dowlad goboleedka Galmudug” ayuu yiri Jaamac
Guddoomiyaha ayaa xusay in magacaabista ay maanta soo baxday, isla markaana qorsahu uu yahay in berito ay xilka la wareegaan, isla markaana ay xoogga saaraan xaqiijinta amniga degmada.
Cabdikariin Axmed Bulxan
