Dowlad goboleedka Galmudug ayaa shegay inay bilaabayaan howlgallo lagula dagaalamayo maeleshiyaadka Al-Shabaab, si looga saaro guud ahaan deegaannada maamulka Galmudug, iyagoo kaashanaya ciidanka xoogga dalka Soomaaliyeed.
Wasiirka Amniga gudaha ee Dowlad goboleedka Galmudug Cismaan Ciise Taar-duleed oo la hadlay Radio Muqdisho ayaa hoosta ka xariiqay inay bilaabayaan howlgallo ka dhan ah Al-Shabaab, si deegaannada maamulka looga sifeeyo, waxaana uu shacabka ka codsaday inay xoojiyaan la shaqeynta ciidamada amniga.
Related posts
Cismaan Ciise Taar-dhuleed ayaa xusay in dhawaan bulshada ku dhaqan degmada Xarardheere iyo deegaanada hoostaga ay iska caabiyeen duulaan maleeshiyaadka Al-Shabaab ay ku soo qaadeen dadka deegaanka, waxaana uu intaa raaciyay in iyaga oo kaashanaya dadka deegaanka ay ka saari doonaan meelaha ay shacabka ku dhibaateynayaan,
βNimanka argagixisada Al-Shabaab, waa niman jid iyo jaho diid ah, runtii dadka deegaanka iyo ciidanka galmudug waxa ay dagaallo maleeshiyaadka Al-Shabaab kula galeen deegaanno u dhaw xadka ay wadaan gobolada Mudug iyo Galgaduud, runtii halkaasi waa laga saaray, waxaana qorsheyneynaa in aan sii xoojino dagaalka ka dhanka ah Al-Shabaab.
