Maamulka Koonfur galbeed ayaa sheegay in ay socdaan howlgaladii maleeshiyaadka Al-shabaab looga xureyn lahaa deegaanada ay kaga dhuumaaleysanayaan K/Galbeed.
Madaxweynaha Maamulka Koonfur Galbeed Mudane, C\casiis Xasan Maxamed “Lafta Gareen” ayaa sheegay in ay u diyaar garoobeen ka xureynta cadowga argagaxisada Alshabaab deegaanada ay kaga sugan yihiin maamulkaas, asigoo xusay in dhibaato badan ay ku haayan dadka Shacabka ah.
Sidoo kale Madaxweynaha ayaa shacabka ka dalbaday in ay lashaqeeyaan Ciidamada ammaanka, si looga hortago dhagarta argagaxisadu ay dadka rayidka ah u maleegayaan, wuxuuna tilmaamay in lasoo gaaray xilligii maleeshiyaadka naflacaariga Alshabaab laga xureeyn lahaa Guud ahaan dalka Soomaaliya.
Hadalkaan ayaa imaanaya xilli Ciidamada Qalabka sida ay wadaan howlgalo looga xureeynayo Maleeshiyaadka gabalkoodu dhacay ee Al-shabaab deegaanada maamulka Koonfur galbeed ay kaga dhuumaaleysanayaan iyo guud ahaan dalka
