In ka badan 300 qoys oo danyar ah ayaa ka faa’ideeystay deeq raashiin ah oo ay dowladda Cumaan ugu talagashay qosaska danyarta ah ee ku nool magaalada Beladweyne , taasi oo ka koobneed bur, bariis, Timir iyo saliid, iyadoo qeybinta deeqda ay u dhacday si nabad ah.
Qaar ka mid ah qoysaskii raashinka la gaarsiiyay waxa ay dowladda Cumaan uga mahad celiyeen taageerada walaltinimo oo ay lagarab taagan yihiin shacabka Soomaaliyeed oo ay daashadeen abaaraha iyo dagaaladda
“Magaceygu waa Cismaan Adaan waxaa maanta nala siiyay raashiin aad u fara badan waan u mahad celinaynaa walaalaha dowlada Cumaan ee noo soo dhiibay waxaa ay inaga caawiyeen afurka, Magaceygu waa Xabiibo waxaan maanta qaatay bur, bariis, saliid iyo Timir dowlada Cumaan oo nasoo gaarsiisay ayaa umahad celinaynaa”
Guddoomiyaha degmada Beladweyne Macalin Cismaan Cabdi Qalafoow ayaa sheegay in raashiinkan ay u qeybiyeen qoosaska danyarta ah, waxaana uu xusay in ay jiraan qosas kale oo aad ugu baahan il lagaarsiiyo deqeahan oo kale oo aad u dhibaateysan
“Waxaan mar labaad umahed celinaynaa dowladda Cumaan oo qosaskan oo gaarsiisay gar gaarkan raashiinka ah, runtii waxaa jira qosas kale oo u baahan in lasiiyo gar gaar kan oo kale sida aad ka warqabtaan qosaska ku nool Beladweyne , waxaa soo duldagay qoskiiba Ilaa 3 qoys oo ka soo barakacayo deeganada miyiga ah marka deeqdan waa kaalmo fiican oo wax badan ka tareyso baahidooda” ayuu yiri Guddoomiyaha Degmada Beladweyne.
Dowladda Cumaan waxa ay ka mid tahay dowladaha taageera Soomaaliya, waxaana tani ay muujineysaa taageerada ay u hurayaaan walaalahooda Soomaaliyeed, waxaana xusid mudan in deeqdan raashiinka ah laga qeybiyay maalmihii lasoo dhaafay xaafada magaalada Baledweyne.
