Madaxweynaha Dowadda Eretria Isaias Afwerki ayaa bogaadinayay, soona dhaweynayay dadaaladda Dowladda Federaalka Soomaaliya ay ugu jirto dhismaha iyo tayeynta hay’adaha amniga ee Soomaaliya, kuwaas oo uu xusay inay awood u lehiyiin in ay dammaanad qaadaan Nabadda iyo Amniga guud ahaan Soomaaliya.
Agaasimaha Warfaafinta Madaxtooyadda Qaranka Mudane Cabdinuur Maxamed Axmed ayaa warbaahinta u faah faahiyay nuxurka warmurtiyeedka ka soo baxay kulankii labada Madaxweyne ee Soomaaliya iyo Eretria ayaa yiri “Madaxweyne Isaias waxa uu bogaadinayaa, soona dhaweynayaa dadaalka Dowladda Federaalka Soomaaliya ee lagu dhisayo, laguma tayeynayo hay’ado amni oo ay Soomaalidu leedahay, kuwaas oo awood u leh in ay dammaanad qaadaan nabadda iyo amniga ay dadka Soomaaliyeed istaahilaan”.
Agaasimaah ayaa intaa ku daray “Iyaga oo si buuxda u garawsan baahida loo qabo in la helo hannaan lagula tacaalo halista casriga ah ee argagaxisada iyo saboolnimada. Labada Madaxweyne waxay ku heshiiyeen in ay sii wadaan abuuridda iskaashi xooggan oo dan u ah labada waddan iyo guud ahaan gobolka”.
