Dowladda FS ayaa ku dhawaaqday in dalku galayo abaaro aad u daran sida saadaashu sheegeyso.
Related posts
Wasaaradda Gargaagarka iyo Maaraynta Masiibooyinka Dawladda FS iyo Wasaaradaha ku abbaaran ee Dowlad Goboleedyada oo ku shiray Xafiiska Raโiisul Wasaaraha ayaa sheegay in loo baahan in arrintan laga hortago.
Wasiir ku xigeenka Wasaaradda Gargaarka iyo maareynta Musiiibooyinka Cabdirashiid Xasan ayaa sheegay in Madaxda Dowladda Soomaaliya ugu sareysa arrintan Baaq kazoo saari doonto.
“Waxaa arrintan baaq kasoo saari doona Madaxda Dowladda ugu sareysa sidda Madaxweyne Farmaajo iyo Ra’iisul Wasaaraha dalka, waxaan kuu sheegi karaa hadda in dalka abaar dhibaatadeeda wadato ku soo socoto taasna waxa kaliya oo aan u baahanahay ayaa in aan ka hortagno”.
Wasiirka Gargaarka ee Koonfur Galbeed Soomaaliya Cabdinaasir Cabdi Caruush ayaa tilmaamay in Koonfur galbeed tahay meelaha ugu badan oo dadka abaartu ku saameysay.
“Koonfur Galbeed waa meelaha ugu badan oo dadku abaartu ku saameyso magaalada Beydhabo waxaa jooga Barakacayaal ka badan dadka deegaanka ah”.
Wasiirada waxaa ay ugu baaqeen Ganacsatada iyo dadka wax heysta in arrintan sidii looga gaashaaman lahaa gacan ka geystaan.
Xilli roobaadkii guga ee laheli jiray Bisha April ayaana wali la helin waxaana cabasho xoogan kasoo yeereysaa dadka reer guuraaga ah.
Halkan ka daawo Muuqaalka
