Dowladda Mareykanka ayaa shaacisay inay xoojinayaan cilaaqaadka ay la leedahay Soomaaliya, ayna qorsheynayaan in safiir cusub ay u magacowda Soomaaliya, si uu uga howlgallo gudaha magaalada Muqdisho.
Go,aankan ay ku dhawaaqday dowladda Mareykanka ayaa ka dambeyeey kaddib war saxaafadeed ka soo baxay Wasaraadda arrinmaha dibada ee Mareykanka kaasi oo nuqul ka mid ah safarada Mareykanku uu ku leeyahaya magaalada Nairoobi ay soo gaarsiyaay warqabadka Warbaahinta Qaranka waxaana Mareykanka uu ku tilmaamay mid uu dib ugu soo celinayo xiriirkii diblomaasiyadeed ee Soomaaliya iyo Mareykanka kaasi oo meesha ka maqnaa tan iyo 1990.
Related posts
Inkastoo Mareykanka uu sheegey in howlaha shaqo uu Soomaaliya ka qabanayo saldhig KMG u tahay Kenya ayaa hadan wuxuu daaha ka rogay in diblomasiyiinta Ameerikaanka ah ay si caadi ah uga shaqeynayaan Soomalaiya oo waajibaadkoodi shaqo si toos ah u gudanayaan, ayadoo aanay jirin walwal laga qabo xaga amniga sida uu sheegey Afhayeenka Wasaarada arrimaha dibada ee Mareykanak Johan Kirbi.
Howgalkani cusub ee Mareykanka uu ka fulinayo Soomaaliya ayaa sii dardargelinaya sii xoojinta ilaaqaadka xaga diblomaasiyada ee labada dal, maadaama uu Mareykanka si toos ah u aqoonsaday nidaamka dowladanimo ee Soomaaliya 17-kii Janaayo ee sanadkii 2013 iyo socdaalkii Xoghayaha arrimaha dibadda ee Mareykanka John Kerry ku yimid Muqdisho bishii May ee sanadkan.
Saraakiisha Mareykanka ayaa sheegey in ay rajeynayaan sidii safaaradda Mareykanka ee dalka Kenya loogu soo wareejin lahaa magaalada Muqdisho.
Wakaalada Wararka Reuters oo soo xiganaysa diblomasiyiinta Mareykanka ayaa sheegety in ay la aaminsanyahay in talaabadan uu qaadayo Mareykanka ay keentay guulaha dhanka ammaanka ah iyo horumarada ay ku talaabsanayso dowladda Federaalka ah ee Soomaliya oo dunidu ay aqoonsantahay.
Dowlado badan ayaa safaarado ka furtay soomaaliya tan iyo markii ciidamada amniga oo kaashanaya kuwa nabad ilaalinta Midowga Afrika ee AMISOM ay dalka intiisa badan ka sifeeyeen argagixisada Al-Shabaab.
Madaxweynaah dalka Mareykanka ayaa lagu wadaa in safiir cusub uu u soo magacaabo Soomaaliya si uu u bedero katrin Dhanani oo dhawaan loo magacabay xilkaasi balse isbedelo shaqsiyadeed ay dheceen.
Dhanka kale dowlada Soomaaliya ayaa soo dhaweysay ย goโaanka ka soo baxay Xukuumadda Washington , Wasiirka Wasaaradda Warfaafinta Dhanqanka iyo Dalxiiska dowladda Federaalka ah ee Soomaaliya mudane Maxmed Cabdi Xayir Maareeye ayaa sheegey inย ay tahay talaabo dhanka horumarka diblomaasiyada ah ay u qaadayso Soomaaliya, waxaana Wasiirka uu rajo wanaagsan ka muujiyaay in dhawaan Soomaaliya ay dib u soo ceshan doonto subcadii iyo karaamadii ay ku lahayd dunida inteedi kale.
