Dowladda Mareykanka ayaa shaacisay inay soo dhaweyneyso hadalka ka soo yeeray Madaxweynaha Maamulka KMG ah ee Jubba Axmed Maxamed Islaam ee ku aadan in la balaarin doono baarlamaanka Maamulkaasi, si loo xaliyo tabashada qaar ka mid ah bulshada Jubbooyinka iyo Gedo.
War-saxaafadeed ay soo saartay Dowladda Mareykanka ayaa lagu sheegay in ay dhiiri gelinayaan tallaabooyinka lagu doonayo in lagu balaariyo baarlamaanka Maamulka Jubba.
Dowladda Mareykanka waxa ay sii wadaysaa taageerada ay siineyso dowladda Federaalka ah ee Soomaaliya ee ku aadan sidii loo heli lahaa nabad iyo xasilooni waarta, isla markaana ay soo dhaweynayaan dadaallada dowlad goboleedyada ay ku doonayaan xoojinta iyo la shaqeynta dowladda federaalka.
