Dowladda Federaalka Soomaaliya oo ku dhawaaqday lacag ay ugu gurmaneyso Walaalaha Soomaaliyeed ee la dhibtoonaya saameynta fatahaadaha, iyadoo dhinaca kalena Madaxda Qaranku mushaarkooda bishaan ay ku yabooheen in wax loogu qabto dadka dhibaateysan ee ay fatahaaduhu saameeyeen.
Wasiirka Warfaafinta Dhaqanka iyo Dalxiiska ee Xukuumadd Federaalka Soomaaliya Mudane Maxamed Cabdi Xayir Maareeya ayaa shaaca ka qaaday in dowladdu ay dadka walaalahood ah ugu deeqday adduun dhan 500,000 (shan boqol oo kun oo dollar) taasi oo loogu talagalay in wax loogu qabto dadka ay fatahaaduhu saameeyeen.
Related posts
Wasiirka ayaa tibaaxay in Madaxweynaha, Gudoomiyeyaasha Golaha Shacabka iyo Golaha Aqalka sare iyo Ra’iisul Wasaaaha Dalka ay mushaarkooda bisha October ugu deeqeen dadka Soomaaliyeed ee ay fataaduhu saameeyeen, isagoo intaa ku daray in shirka Golaha Wasiirada ee Xukuumadda Soomaaliya ee beri yeelanayaan laga filayo inay dhankooda kaalmo lacageed ay ka geystaan.
