Sida uu soo sheegaayo weriyaha warbaahinta Qaranka ee ku sugan Caasimada Riyadh ee boqortooyadda Sacuudiga Cali Jaamac Cilmi (Cali-kuus) waxaa xayiraada laga qaaday Xoolaha nool oo ay Soomaaliya u dhoofiso dalka Sacuudiga.
Bayaan kasoo baxay Xukumadda Riyadh ayaa lagu sheegay in Muddo sodon cesho gudahood ay ganacsatada Soomaaliyeed keenaan dalka sacuudiga Xoolo gaaraya 600,000 oo neef ari ah iyo 100,00 kun oo geel ah iyadoo la marsiinaya hab-raacyada Caafimaad ee u yaala dalka Sacuudiga.
Sacuudiga iyo dalalka kale ee Carbeed waa suuqa ugu weyn ee xoolaha Soomaaliya loo dhoofiyo, waxaana maalmaha soo socdo la filayaa in dalka Sacuudiga ay gaaraan xoolo ka yimid Soomaaliya.
Xoolaha nool ayaa ka mid waxyaabaha uu dalkeenu uu hodanka ku yahay sidoo kalane dhaqaalaha ugu badan ay ka helaan Ganacsatada Soomaaliyeed.
